ඉතින් සමුගන්න අවසරයි , සභාවෙන් අවසරයි ..................... - විලක්කුව-

සිංහල අවුරුද්ද ලබන්න  තියෙන්නේ  අතේ ඇඟිලි ගානටත් වඩා අඩු දින ගානක් . මතක ඇති කාලේ ඉදන්, හැම අවුරුද්දෙම මාර්තු මාසේ මැද හරියේ ගේ පිටිපස්සේ අඹ ගහේ වහලා ඉදන්ම පුදුමාකාර විදිහට වද දෙන  කොහා මේ පාර නෑ . කො‍හාට අවුරුදු අමතක වෙලා .....

     කො‍හාටයි මටයි කියලා ‍වැඩි වෙනසක් නෑ මටත් අවුරුද්දක් ලං වෙලා කියලා දැනුනෙ නෑ . වෙනදට ඇඳුම් ගන්න යන්න කථා කරන අම්මා මේපාර මට යන්න කථා කලේ නෑ . එයාල ගියෙත් නෑ . හැමෝගෙම හිත්වල මොකද්දෝ අමුතු දෙයක් හි‍රවෙලා , කාටවත් ඒ හිරවෙච්ච දේ එලියට දාගන්න විදිහක් නෑ . ඒ වෙන මොනවත් නිසා නෙවෙයි . කවදාවත් නැතුව මේ වගේ හෝන්දු මාන්දු ගතියක් දැනෙන්නේ ඇයි කියලා හිතා‍ගන්න  බැරි නිසා , ඇත්තම කිව්වොත් කියන්න තරං හේතුවක් නැති නිසා , හේතුව මොකද්ද කියලා හිතා‍ගන්න බැරි නිසා . 

                                                ගිය අවුරුද්දේ සැප්තැම්බර් මසේ දවසක විලක්කුව කියන බ්ලොග් එක පටන් ගන්නකොට  දිනෙල්ක කියන චරිතෙ වටේට ගොඩ නැගිලා තිබුනෙත් මේ දවස්වල තියෙනව වගේම වට පිටාවක් . හිතේ තියෙන දේ එලියට දාන්න විදිහක් නැති වට පිටාවක් . ඔනේවට වඩා වෙනස් විදිහට හිතුවාමත් හරි කරදරයි කියලා හිතෙන වට පිටාවක් මැදින් තමයි විලක්කුව පටන් ගත්තේ .

කොහොම මොන විදිහකට පටන් ගත්තත් මොකද කොළඹ ගෙන්දගම් පොලොවේ වාහන හෝන් සද්ද අස්සේ ඉදන් ලියවිච් විලක්කුවට උඹලා සේරම ආදරේ කලා .....................
වැඩිය කථා ලියවිලා නෑ , ලියවිච්ච කථා අතරේ කිසිම බොරු කථාවකුත් නෑ , මගේ අද්දැකීම් ඒ විදිහටම ලියවිලා තියෙනවා , කාටවත් ‍බො‍රුයි කියලා කියන්න බැරි විදිහට මගේ ජීවිතේ   වැදගත් කථා බොහොමයක් මේ බ්ලොග් එකෙන් එලියට ආවා .

 බ්ලොග් කෙරුවාවෙන් බොහොම ලස්සනට හිතන කොල්ලෝ කෙල්ලෝ ටිකක් අදුර ගත්තා . ගෙට්ටුවට ඇවිත් උන්ව හැබහින් දැක ගත්තා . බ්ලොග් ලෝකේ හරි ලස්සනයි , ඒක ඇත්තටම වෙනම ලෝකයක් .

ඔන්න ඔහොමයි කථාව ...............

           කලින් කිව්වා වගේම දැන් මාස තුනකට ලං වෙන්න වෙනවා විලක්කුවේ කිසිම දෙයක් ලිය වෙච්ච නැති ................. දැන් ඉතිං ඇතිනේ . මෙහෙම නිකං තියෙන එකේ තේරුමක් නැති නිසා මං හිතුවා මේක නවත්තලා දාන්න ..........පටන් ගත්තු හැමදේම කාලේ ඉවර උනාට පස්සේ ඉවර වෙන්න ඔනේ ...... බ්ලොග් එකටත් ඒ ධර්මතාවට වලංගුයි ...... අදින් පස්සේ විලක්කුව ලියවෙන්නේ නෑ ..............මගෙත් එක්ක එකතු වෙලා හිටිය හැමෝටම බොහෝම ස්තූතී ..

අදින් පස්සසේ ලියවෙන්නේ විලක්කුව නෙවෙයි.......... 

විලක්කුව සීසන් 2 ........... :D

හරි එහෙනං වෙල්කං බැක් කිව්වා 

විලක්කුව ලියපු දවස් ටිකේ සමරියක් නොදුන්නොත් හරි නෑනේ .........

මගෙත් එක්කම ඒ කාලෙම පටන් ගත්තු හුඟක් බ්ලොග් වලට වීව්ස් 20000 ක් ගන්න පෝස්ට්  පනහක් අඩුම ගිහින් තියෙනවා ....... හැබැයි මට ගියේ පෝස්ට් 36යි .
ඔන්න සමරිය ,

පෝස්ට් - 36 

වීව්ස් ( ලියන වෙලාවෙදී ) - 24046

එක පෝස්ට් එකකට වීව්ස් සාමාන්‍ය - 667.94444

වැඩිම වීව්ස් තිබුන පෝස්ට් එක - ගනිකාවක් සමග පැයක් ( අමුවෙන්ම ) 

අඩුම වීව්ස් - හිඟනකම 

පලවෙනි පෝස්ට් එක - ජයසක් මැද විලක්කුව දල්වන්නට අවසර 

හිට් වෙන්න පටන් ගත්තේ - 18+ ද මන්දා 

                                 සභාවෙන් අවසරයි එහෙනං